Өвчний олон улсын 10-р ангилалд энэ өвчнийг Varicella гэдэг. Англиар Chicken pox буюу үгчилж орчуулбал “тахианы тууралт” бөгөөд 1684 оноос энэхүү энэ томъёог ашиглаж иржээ. Яагаад Chicken pox гэж нэрлэх болсныг хэд хэдэн янзаар тайлбарладаг. Жишээ нь цэврүүн тууралт нь chickpea гэх нэгэн төрлийн шоштой адил харагдах тул гэсэн байхад тахиа тоншсон юм шиг сорви үлдээдэг тул гэсэн байх нь бий. Монгол хэлэнд салхин цэцэг гэж нэрлэсэн нь Оросоор “Метрянка” гэж нэрлэдэг тул шууд орчуулга хийсэн байдаг. Хүүхдийг гадаа салхинд гаргах нь хүндрэл үүсгэдэггүй. Бусдад халдвараа тараахгүйн тулд аль болох олон хүнтэй хавьтахгүй байх нь чухал болохоос агаар салхинд гарах, усанд орох нь харин ч эдгэрэлтэнд сайнаар нөлөөлнө.