Үс бол толгойг дулаан байлгах үүрэгтэй эрхтэн. Иймд ялангуяа орчны дулаан бага (хүйтэн, сэрүүн) нөхцөлд хүүхдийн толгой биеийн бусад хэсгийг бодвол халуун байдаг. Ер нь биеийн дулаан өглөө, үдээс өмнө арай бага, харин оройдоо бага зэрэг өсдөг. Хоол идсэний дараа биеийн дулаан нэмэгддэг. Хүүхдээ хөхүүлээд суухад эхийн гар дээр байрлах хүүхдийн дагз халуун байх нь ердөө л энэ шалтгаантай. Түүнчлэн өлсөх, унтах, идэх, хөдөлгөөн хийх зэрэгт биеийн дулаан өөрчлөгдөж байдаг нь хэвийн үзэгдэл юм. Тэр ч бүү хэл насанд хүрсэн эмэгтэйчүүдэд биеийн дулаан сарын тэмдэгний мөчлөгтэй холбоотой өөрчлөгдөж байдаг.

Хүүхдийн чинь дагз/толгой (зарим ээжүүд гар, хөл нь халлаа гэж байдаг) халуун санагдаж байвал заавал халууныг нь халууны шилээр хэмжээрэй. Хэрвээ халуун нь 37.5 хүрэхгүй байвал энэ бодлоо мартах хэрэгтэй.