Оношилгоонд ач холбогдолтой нь гуяны бус харин өгзөгний нугалаас юм. Хүүхдийг доош харуулж хэвтүүлээд хөлийг нь тэнийлгэхэд үүсдэг хамгийн дээд талын зураас илжил биш байх нь түнхний асуудалтай байж болохыг илтгэнэ. Харин түүний доод буюу гуяны нугалаасууд оношилгооны ач холбогдолгүй. Энэ эмгэгийн хамгийн гол шинж бол түнхний үеэр хөдөлгөөн (алцайлт) хязгаарлагдах явдал.

Түүнчлэн түнхний үеэр хөдөлгөхөд дугарч байх нь асуудалтай байна гэсэн үг хараахан биш юм. Эрүүл хүүхдийн мөр, түнх, өвдөгний үе хөдөлгөөнд дугарах нь хэвийн үзэгдэл.  Хүүхдийн суганаас өргөхөд зогсохгүй байх эсвэл өлмийдөх зэрэг нь түнхтэй огтоос хамааралгүй.

Түнхний дутуу хөгжил, хагас мултрал, мултралыг эмчийн бодит үзлэгээр сэжиглэн эцсийн оношийг зөвхөн эхо эсвэл рентген шинжилгээгээр тавьдаг.