Ягаан дэвтэрт дундаж үзүүлэлтийг бичсэн байдаг. Зарим нь тэнд бичсэнээс эрт, зарим нь оройтож байдаг. Хүүхэд бүрийн толгой даах, суух, мөлхөх, шүд ургах, шулганах зэрэг сэтгэц оюун, булчингийн хөгжил өөр өөр тул эрт ба хамгийн орой гэсэн хязгаарууд заавал бий. Жишээлбэл анхны шүд 4-14 сарын хооронд ургана, эрүүл хүүхэд 7-10 сартай мөлхөж 10-16 сартайдаа хөлд орно гэх мэт. Хэрвээ асуудалтай мэт санагдаж байвал хүүхдийн эмчид хандаарай.