Гавлын ясны уулзваруудын хоорондох зай буюу зөвхөн хуйхаар хучигдсан тархины хэсгийг зулай гэнэ. Зулай нь хүүхдийг эхийн төрөх замаар гарахад толгой хэлбэр болоод хэмжээгээрээ өөрчлөгдөх боломжийг олгож байдаг бол төрснөөс хойш эхний 2 жил уураг тархи томорч хөгжих нөхцлийг хангах гол үүрэгтэй. Түүнээс биш арьс гэдэг утгаараа амьсгалах буюу тархи болоод бусад эд эрхтэнг хүчилтөрөгчөөр хангах ямар ч боломжгүй. Угаасаа арьсны үндсэн үүрэг нь хамгаалах юм. Хүн зөвхөн уушгиараа л амьсгалдаг, харин зарим уушгигүй амьтад арьсаараа амьсгалдаг гэдгийг National Geographic Kids уншдаг багачууд томчуудаас сайн мэдэх болов уу.