Нөхөн үржихүйн насны эрэгтэй, эмэгтэй хүмүүс ирээдүйд төрөх хүүхдийнхээ эрүүл мэндийг хамгаалах талаар хэдийнээ анхаарч байх ёстой. Эрүүл эх эцэг, эрүүл гэр бүлээс эрүүл хүүхэд төрнө. Өөрөөр хэлбэл хүүхдийн эрүүл мэнд түүнийг эхийн хэвлийд бүрэлдэн бий болохоос ч өмнө яригдах асуудал юм. Эрүүл хүүхэд тээж төрүүлэхэд дараах хүчин зүйлийг анхаарах хэрэгтэй.

Үүнд:

• Эцэг эхийн нас 20-35 байх
• Жирэмслэлтийг төлөвлөх
• Эцэг эхийн биеийн эрүүл мэнд (бэлгийн замаар дамжих халдвар, чихрийн шижин, бамбай булчирхайн эмгэгүүд, артерийн даралт ихсэх зэрэг архаг өвчнүүдийг эмчлэх)
• Архи тамхи хэрэглэхгүй байх
• Жирэмсэн үедээ эмийн бэлдмэлүүдэд туйлын болгоомжтой хандах
• Жирэмслэхээс 1-2 сарын өмнөөс өдөрт 400 мгр фолийн хүчил, түүнийг агуулсан мультивитамин ууж эхлэх
• Хүнд хортой нөхцлөөс зайлсхийх
• Биеийн жингээ хэвийн хэмжээнд барих
• Аливаа хэлбэрийн хүчирхийлэлээс ангид, сэтгэл санаа тайван, амар амгалан байх
• Удам угсаагаа сайтар судлах