Хурууны арьс сөрөх нь ходоод гэдэсний өвчин эмгэгийн шинж мөн үү?
Арьсны үндсэн үүрэг нь бие махбодийг гадны нөлөөллөөс хамгаалахад оршдог. Нярай, хөхүүл хүүхдийн арьс хэд хэдэн онцлогтой. Үүнд:
- Нимгэн, эмзэг булбарай
- Хамгаалах үйл ажиллагаа нь гүйцэт хөгжөөгүй
- рН нь нейтраль (насанд хүрэгсэдийнх хүчиллэг)
Томчууд төдийгүй бүх насны хүүхдийн хурууны арьс сөрөх (хуулрах) үзэгдэл Монголчуудын дунд элбэг тохиолддог. Үүнийг манайхан ходоод, гэдэсний өвчний шинж тэмдэг мэтээр ойлгодог. Гэтэл энэ нь огтоос тийм биш юм. Тэгвэл шалтгаан нь юу вэ?
- Хуурай, хүйтэн ширүүн уур амьсгал, хурц нар
Өөрөөр хэлбэл арьс хуурайших нь үндсэн шалтгаан болдог. Үүнд мөн арьс хуурайшуулдаг хатуу савангууд орно. Иймд гартаа байнга чийгшүүлэгч тос ялангуяа гадаа гарах, унтахын өмнө түрхэх хэрэгтэй. Зөөлөн савангаар гараа угааж байх ёстой. Хүүхдийг 1 нас хүртэл зөвхөн зориулалтын шингэн савангаар угаана.
- Атопийн дерматит буюу экзем (манайхан диатез гэдэг) болон бусад харшлын эмгэгүүд
- Хуруу гараа амандаа хийх
- Удамшил Аав ээжийнх нь хурууны арьс сөрдөг бол хүүхдийнх нь ч мөн сөрөх нь элбэг.