Шүлсний 99.5% нь ус. Аман дахь шүлс рүү уушгинаасаа хий үлээж байж хөөсрөнө гэдэг нь  энгийн зүйл. Хүүхэд 2 сар орчимтойгоосоо ганганаж гунганаж эхэлдэг. Хүн уушгинаасаа хий үлээж төвөнхөд байрлах дууны 2 хөвчөө хөдөлгөн дуу авиа гаргана. Харин үг яриа ярихын тулд хүүхэн хэл, тагнай, шүд, хэл, хэлний доод холбоос зэрэг өөр олон эрхтэн оролцоно. Иймд хүүхдийн шүлс хөөсөрч байх нь түүнийг ганганаж гунганаж буйг, хэлд орох бэлтгэлээ нэгэнт хийж эхэлснийг илтгэх сайн шинж болно. Дуу авиа сайн гаргаж сураад шулганаад эхлэхээрээ шүлс хөөсрөхөө болино. Яг л толгой даах, инээх,  гартаа юм атгах гэх мэт хөгжлийн үе шат гэж ойлговол зохино.