Хүүхдийн ам, залгиурт байх цайвар өнгийн зангилаа юу вэ?
Дархлаа тогтолцооны эд, эс, эрхтэнүүд хүний биеэр тархан байрлана. Эдгээр нь ясны хэм, сэрээ булчирхай, тунгалагийн булчирхайнууд, дэлүү, гүйлсэн булчирхай (хоолойны мах), хамрын мах, мухар олгой юм.
Дархлаа тогтолцооны эрхтэнүүд лимфоид эдээс тогтдог. Ийм лимфоид эд хүний биеэр тархан байрлана гэдгийг дахин онцлон хэлье.
Энэ нь яг л тунгалагийн булчирхай буюу бидний сайн мэддэг хоолойны махны нэгэн адил ам, хамраар орсон вирус, нянг устгах үүрэгтэй дархлааны эрхтэн тогтолцооны нэг хэсэг юм. Шаардлагатай тохиолдолд эдгээр зангилаа томорч “ажиллаж”, харин зарим тохиолдолд өнгө нь бүдгэрч жижгирч “амарч” байдаг.
Үүний нэгэн адил лимфоид эдийн бөөгнөрөл ходоод, нарийн, бүдүүн гэдсэнд ч бий. Ходоод нарийн, бүдүүн гэдэс дурандаж буй эмчид эдгээр нь сайн харагддаг бөгөөд хортой, хоргүй хавдар, ургацгаас ялгах шаардлага гарах нь бий. Бас нэг өөр жишээ нь өтгөн хатдаг хүний бүдүүн гэдсэнд өтгөн хатдаггүй хүнтэй харьцуулбал илүү олон тооны лимфоид бөөгнөрөл буюу зангилаа байдаг нь судалгаа шинжилгээгээр нотлогдсон бай- даг. Энэ тохиолдолд эдгээр бөөгнөрөл баасанд агуулагдах нянгуудыг устгах үүрэгтэй “ажилладаг”. Ийм бөөгнөрөл байхгүй бол олон хоног бүдүүн гэдсэнд агуулагдах баасны нян өвчин үүсгэх аюултай.
Буйланд харагдаж буй лимфоид эдийн бөөгнөрөл
Ер нь амны мөөгөнцөрөөр хүнд тураалтай, байнга гормоны утлага хийлгэдэг, хав- сарсан антибиотик эмчилгээ олон хоно- гоор хийлгэсэн, ДОХ-той, хорт хавдартай хүүхэд өвчлөх эрсдэл өндөр байдаг. Харин өсөлт хөгжилт нь хэвийн, эрүүл бойжиж буй хүүхэд мөөгөнцрөөр өвчлөх нь маш ховор.